Fréttir
Kraumar undir pottunum hjá Sigga Hall
Veitingastaðurinn Siggi Hall á Óðinsvéum samdi nýverið um notkun Eplica fyrir vefsvæði sitt.
Sigga Hall þarf sjálfsagt ekki að kynna fyrir neinum því hann hefur verið óþreytandi að kenna landsmönnum matargerð í sjónvarpi auk þess að kynna matarmenningu hinna ýmsu þjóða og þjóðarbrota.
En Siggi hefur ekki aðeins skapað sér gott orð hér heima heldur fer orðspor hans á erlendri grundu sífellt vaxandi. Þannig skipaði bandaríska ferðamálatímaritið Condé Nast Traveler veitingastaðinn í röð þeirra 100 veitingastaða í heiminum sem stæðu hvað fremst.
"Það er sérlega ánægjulegt að fá að taka þátt í því að aðstoða jafn framúrskarandi veitingastað við að endurbæta þjónustu sína við viðskiptavini". segir Stefán Baxter framkvæmdastjóri Hugsmiðjunnar.
