Aðgengi allra að vefnum
Áhugaverð skýrsla um stefnu stjórnvalda í aðgengismálum
Forsætisráðherra lagði fram í ríkisstjórn, þann 13. janúar sl., skýrslu um aðgengi allra að vefnum. Skýrsluhöfundar eru Arnar Pálsson, félagsmálaráðuneyti, og Sigurður Davíðsson, forsætisráðuneyti. Í skýrslunni eru lagðar fram tillögur um aðgerðir sem stuðla að því að fatlaðir og aðrir hópar sem gefa þarf sérstakan gaum í upplýsingasamfélaginu geti nýtt sér þjónustu á Netinu.
Ákveðið hefur verið að fara að þeim tillögum sem lagðar eru fram í skýrslunni og stefna að því að allir opinberir vefir á Íslandi uppfylli ákveðnar lágmarkskröfur í aðgengismálum.
Í skýrslunni er fjallað um aðgengismál í alþjóðlegu samhengi, greint frá stöðu mála á Íslandi og aðgengisvottun íslenskra vefja. Fjallað er um opinbera vefi og lagaumhverfi og settar fram tillögur um hvernig opinberir vefir geti orðið aðgengilegir öllum.
Skýrslan er mjög greinargott innlegg í umræðu um aðgengismál almennnt, þótt hún fjalli fyrst og fremst um opinbera vefi, og markar stefnuna að mörgu leyti fyrir þá sem starfa að vefmálum.
Skýrsluna er að finna á UT-vefnum en hann er einmitt unninn af Hugsmiðjunni.
