Fréttir
Listahátíð í Eplica
Listahátíð í Reykjavík er haldin í maí ár hvert. Hún var fyrst haldin árið 1970 og annað hvert ár frá þeim tíma til ársins 2004, en árlega eftir það. Nú hefur Hugsmiðjan búið til nýjan vef fyrir hátíðina í Eplica-kerfinu.
Hlutverk Listahátíðar er að skipuleggja og standa að árlegum Listahátíðum í Reykjavík á sviði tónlistar, leik- og danslistar, bókmennta, myndlistar, hönnunar og fleiri listgreina. Hafa skal metnaðarfulla listsköpun að leiðarljósi og kappkostað að tefla fram framúrskarandi listafólki af hinu alþjóðlega sviði og því besta sem býr í listmenningu þjóðarinnar. Sérstaka áherslu ber að leggja á nýsköpun og aðra þá þætti íslenskrar menningar sem skapa henni sérstöðu í samfélagi þjóðanna.
Vefurinn er umfangsmikill og þar er m.a. hægt að skoða alla atburði hverrar hátíðar og kaupa miða á þá. Eldri hátíðir hafa sérstakt svæði á vefnum og er hægt að skoða atburði á þeim aftur til ársins 2004.
