Fréttir
Varnir landsins í öruggum höndum
Hugsmiðjan opnar nýjan vef Varnarmálastofnunar í Eplica-kerfinu.
Varnarmálastofnun Íslands sinnir ýmsum varnartengdum verkefnum. Þeirra á meðal er rekstur íslenska loftvarnarkerfisins, sem er hluti af samhæfðu loftvarnarkerfi Atlantshafsbandalagsins. Ratsjár- og fjarskiptastöðvar í öllum landshornum eru grunnur þess kerfis. Í lýðræðisríkjum er talið nauðsynlegt í þágu réttaröryggis að greina á milli varnartengdra verkefna annars vegar og borgaralegra verkefna sem lúta að löggæslu og öryggisgæslu í þágu innra öryggis ríkisins hins vegar. Vegna þessa tíðkast ekki í ríkjum, sem við eigum mest samstarf við, að fela lögreglu og slíkum stofnunum verkefni sem snúa að ytra öryggi ríkja.
