Fréttir
Hugsmiðjan leitar að java forriturum
Umsækjendur þurfa að hafa reynslu af Java forritun og búa yfir góðum skilningi á uppbyggingu veflausna og þekkja vel nýjustu veftækni.
Starfsreynsla, sköpunargáfa, útsjónarsemi, öguð vinnubrögð og brennandi áhugi eru kostir sem jafnframt verður horft til. Reynsla af notkun eða þekking á eftirfarandi mun vega töluvert í mati á umsækjendum: J2EE, JSP, HTML, Tomcat, XML-vefþjónustur, Maven, MySQL, Oracle, MsSQL, SVN, HTTP, Hibernate og JavaScript.
Hugsmiðjan er öflugt og traust fyrirtæki og hefur síðustu 8 ár haft yfir að ráða einu öflugasta veflausnateymi landsins. Verkefnin eru fjölbreytt og krefjandi og duglegu starfsfólki bjóðast ótal tækifæri til nýsköpunar og sjálfsnáms.
Umsækjendur eru vinsamlega beðnir um að sækja um starfið hér á heimasíðu Hugsmiðjunnar, eða senda umsókn á umsokn@hugsmidjan.is ásamt ferilskrá.
