Sýnileiki í leitarvélum
Það felst í orðanna hljóman að aðgengileg vefsíða er auðlesin og auðskiljanleg og auðvelt er að komast á hana og frá henni á aðrar vefsíður.
Það gildir því almennt sú þumalputtaregla að ef vefsvæði standast viðteknar kröfur um aðgengi allra notenda, þá eykst jafnframt sýnileiki viðkomandi vefsvæðis í flestum venjulegum leitarvélum á borð við Google.
"Aðgengi" er ekki bara fyrir fólk
Það felst í orðanna hljóman að aðgengileg vefsíða er auðlesin og auðskiljanleg og auðvelt er að komast á hana og frá henni á aðrar vefsíður.
Það gildir því almennt sú þumalputtaregla að ef vefsvæði standast viðteknar kröfur um aðgengi allra notenda, þá eykst jafnframt sýnileiki viðkomandi vefsvæðis í flestum venjulegum leitarvélum á borð við Google.
Það er nefnilega alls ekki svo fjarstæðukennt að líta á síðuleitarforrit Google og annara leitarvéla, sem hvern annan blindan vefnotanda - blindan vefnotanda sem heimsækir vefinn manns reglulega, reynir að skilja hvað er á honum, og segir svo 100 milljón bestu vinum sínum frá því sem hann sá.
Val og staðsetning atriðisorða
Leitarvélar lesa yfir vefsíður og skrá hjá sér hvaða orð og orðasambönd koma þar fyrir og byggja leitarniðurstöður sínar að miklu leyti á því sem þær finna.
Því getur skipt mjög miklu máli að passa að þau atriðisorð sem maður vill að leitarvélarnar tengi síðuna við, komi fyrir í textanum á síðunni. Því skiptir máli að velja orð, og orðaforða sem markhópur síðunnar er líklegur til að þekkja og nota þegar hann leitar að upplýsingum á vefnum.
Staðsetning atriðisorðanna innan síðunnar getur einnig skipt þónokkru máli. Almennt séð eru þrír staðir í HTML kóða hverrar vefsíðu sem leitarvélar leggja mesta áherslu á að skoða og skrá hjá sér:
- Titill síðunnar/vafragluggans ()
-
Rétt markaðar fyrirsagnir og titlar (
,
, etc.)
- Sem efst á síðunni
Því er mikilvægt freistast ekki til að nota "bold" takkann til að láta texta "líta út fyrir" að vera fyrirsögn, heldur marka fyrirsagnirnar sem slíkar og eftirláta útlitshönnuði vefsins stjórnina á því hvernig þær líta út. (Flest vefumsjónarkerfi og betri vefritlar gefa kost á þessu.)
Val á beygingarmyndum atriðisorða
Stóru leitarvélarnar sem flestir nota (t.d. Google) kunna ekki íslensku. Því er mikilvægt að passa að megin atriðisorðin á hverri síðu komi fyrir í þeirri beygingarmynd sem líklegast er að fólk leiti að í leitarvélunum. Oftast er "réttasta" orðmyndin nefnifall (no.) eða nafnháttur (so.), en í þeim tilfellum þar sem um fleira en eitt orð er í orðasambandinu, t.d. "Leikskólar Reykjavíkur" þá geta aðrar orðmyndir orðið mikilvægari.
Eins og fram kemur í köflunum hér á undan skiptir staðsetning atriðisorðanna þó nokkru máli, þannig að í einstaka tilfellum getur verið vert að endurskrifa fyrirsagnir eða upphafsorð þannig að hentugar orðmyndir rúmist þar í - án þess að viðkomandi setning eða fyrirsögn verði málfræðilega röng eða kauðsk.
Gagnvart sérhæfðari leitarvélum, eins og t.d. Mbl-Emblu skiptir val á beygingarmyndum litlu sem engu máli.
Orðalag á tilvísunum (linkatexti)
Flestar stóru leitarvélanna skoða ekki bara textainnihald vefsíðna, heldur líka innihald þeirra vefsíðna sem vísa á þær. Sérstaklega skiptir máli hvaða orð eru notuð í (og í kringum) linkinn/hnappinn sem vísar á viðkomandi síðu. Þannig getur vefsíða sem er vísað á með link-orðunum "flott græja" fundist þegar leitað er að flottum græjum - jafnvel þótt orðin "flott græja" komi hvergi fyrir í textanum á síðunni sjálfri.
Þetta er ein af mörgum ástæðum fyrir því að vert er að vanda orðalag á linkum, og forðast merkingarlaus tengiorð á borð við "smelltu hér". (Sjá nánar: "Skrifað fyrir vefinn")
Í þeim tilfellum þar sem ekki verður við komið lýsandi tilvísunarorðum má notast við title="" stillinguna á markinu utan um tengilinn. Það hjálpar mennskum notendum síðunnar að átta sig á því hvert linkurinn vísar, en hefur minni (jafnvel lítil sem engin) áhrif á leitarvélasýnileika síðunnar sem vísað er á.
(Dæmi: ...eins og fram kemur í nýlegri grein um málið...
Fjöldi vísana inn á vefinn af öðrum vefsvæðum
Flestar leitarvélar hafa tölu á því hversu margar mismunandi vefsíður vísa á hverja vefsíðu eða vefsvæði. Hver utanaðkomandi tilvísun er túlkuð sem (táknrænt) atkvæði um ágæti/vinsældir síðunnar sem vísað er á, og vinsældirnar geta vegið þungt þegar kemur að því að raða leitarniðurstöðum.
Ef vefsvæði inniheldur margar vinsælar síður telst vefsvæðið í heild vera "vinsælt" og allar aðrar síður á vefsvæðinu fá aukna vikt í leitarniðurstöðum - jafnvel þótt þær sjálfar hafi tiltölulega fáar utanaðkomandi vísanir á sig.
Fjöldi vísana milli síðna innan sama vefsvæðis hefur einhver áhrif, en þó miklu minni en utanaðkomandi vísanir.
Vísanir frá vefsvæðum/vefsíðum sem teljast vera "vinsælar" í tengslum við ákveðin leitarorð, vega almennt mun þyngra en vísanir frá smærri, óþekktari vefsvæðum.
Síðulýsingar ( markið)
síðulýsing er örstuttur skýringartexti (ágrip) af innihaldi síðunnar. Hann er almennt ekki sýnilegum þeim sem skoða síðuna, en birtist þess í stað oft á niðurstöðusíðum stóru leitarvélanna og getur hjálpað notendum við að ákveða hvort þeir vilji smella sér inn á viðkomandi síðu eða ekki.
(Dæmi: efsta niðurstaðan hér: http://www.google.com/search?&q=M%C3%A1r%20%C3%96rlygsson)
Síðulýsingin er almennt ekki notuð sem leitarorð og hjálpar ekki við að staðsetja síður ofar í leitarvélunum
Leitarorð ( markið)
leitarorð eru tiltölulega gagnslaus þegar kemur að sýnileika í stærri leitarvélunum (Google, etc.). Magnið af Spam síðum með upptiktuðum og óviðeigandi upplýsingum er svo yfirgengilegt að flestar leitarvélar sleppa alveg að taka mark á þeim.
Hins vegar geta svona leitarorð hjálpað við flokkun efnis á vefsvæðinu og við leit í innri leitarvél vefsins, og öðrum sérhæfðum leitarvélum sem hafa ástæðu til að "treysta" því að þínar upplýsingar séu réttar og lýsandi.
Af þessum sökum er mjög mikilvægt að takmarka val á leitarorðum við aðeins þau orð sem eiga beinlínis við innihald viðkomandi vefsíðu/greinar/vefflokks, og í sumum tilfellum algeng samheiti sem ekki koma fram í sýnilega textanum á sjálfri síðunni. Gæði orðanna skiptir meira máli en fjöldinn.
