samstarfsaðilar

Traust sambönd tryggja viðskiptavinum okkar bestu lausnina hverju sinni

Hugsmiðjan starfar með traustum samstarfsaðilum að margs konar verkefnum þar sem styrkleikar hvers fyrirtækis eru nýttir, viðskiptavininum til góða.

Basis Rekstur tölvukerfa, tölvupóstur Basis er þjónustu- og ráðgjafarfyrirtæki á sviði upplýsingatækni sem sérhæfir sig í að aðstoða við rekstur tölvukerfa, allt frá því að vera bakland í flóknari verkefnum yfir í að sjá alfarið um hýsingu og rekstur tölvukerfisins. Basis rekur netþjóna Hugsmiðjunnar og sér um tölvupóstþjónustu fyrir marga viðskiptavini okkar.

Industria Breiðbandslausnir og stafrænt sjónvarp Industria sérhæfir sig í lausnum fyrir nútímafjarskiptafyrirtæki og sér í lagi dreifingu á stafrænu sjónvarpsefni. Zignal IPTV sjónvarpsdreifingarlausnin, sem byggir á undirstöðum úr Eplica umhverfinu, er unnin í samvinnu Hugsmiðjunnar og Industria.

Median Greiðslumiðlun á netinu Median býður upp á greiðslumiðlun á netinu fyrir stór alþjóðleg fyrirtæki og stofnanir. Gæði á öllum sviðum er meginþáttur í starfsemi fyrirtækisins sem sýnir sig m.a. í því að Median kappkostar að bjóða þjónustu og lausnir sem eru sniðnar að þörfum viðskiptavinanna. Medina leggur Hugsmiðjunni til greiðslugátt fyrir þau vefsvæði sem reka vefverslun af einhverju tagi.

Sjá Aðgengi og vottun vefsvæða Í samvinnu við Öryrkjabandalag Íslands vottar Sjá aðgengi að vefjum og veitir ráðgjöf um hvernig hvernig má gera vefi sem aðgengilegasta fyrir sem flesta hópa fatlaðra. Hugsmiðjan leggur mikla áherslu á aðgengismál enda hafa margir vefir sem fyrirtækið hefur gert verið vottaðir. Sjá og Hugsmiðjan hafa átt gott samstarf um þessi mál.

Skjal Þýðingar, prófarkalestur, textagerð Þýðingastofan Skjal er eitt öflugasta fyrirtækið á Íslandi á sviði þýðinga, prófarkalesturs og textagerðar. Sú sérstaða sem Skjal hefur skapað sér, með því að sérsníða starfsemi sína að fjölbreytilegum þörfum samstarfsaðila, á sér fáar hliðstæður hérlendis. Viðskiptavinir Hugsmiðjunnar geta átt gott og árangursríkt samstarf við Skjal. Oft þarf að þýða heilu vefina, eða hluta þeirra, og mikilvægi þess að vera með allan texta á vönduðu máli verður seint ofmetinn. Sum fyrirtæki þurfa líka á textagerð að halda og Skjal sinnir einnig þeirri þjónustu.

Spurl Fullkomin leitarvél sem kann íslensku Spurl.net er frí bókamerkjaþjónusta og leitarvél. Spurl.net gerir þér með einföldum hætti kleift að geyma og finna aftur allar áhugaverðu síðurnar sem þú finnur á Vefnum og þú hefur aðgang að safninu þínu frá hvaða tölvu sem er. Spurl á einnig einu leitarvélina sem kann íslensku, best þekkt sem Embla. Hugsmiðjan hefur sett hana upp á vefjum nokkurra viðskiptavina sinn, t.d. hjá öllu stjórnarráði Íslands. Leitarvél Spurl er einnig að baki Já.is.