Örykjabandalag Íslands var stofnað árið 1961. Stofnfélögin voru sex, en nú eru aðildarfélög bandalagsins 29. Fulltrúar allra félaganna sitja í stjórn Ö.B.Í.

Tilgangur Öryrkjabandalagsins er:

• Að vera sameiningarafl aðildarfélaganna, sem stofnuð hafa verið í þeim tilgangi að skapa fötluðu fólki betra líf.
• Að vera bakhjarl félaganna við öflun þekkingar og miðlun upplýsinga til fatlaðs fólks og aðstandenda þess.
• Að vera aflvaki nýrra leiða sem geta orðið fötluðum til framdráttar.
• Að vinna að auknum skilningi almennings á eðli fötlunar, þörfum fatlaðs fólks og réttmætum kröfum til lífsgæða.
• Að vera sameiginlegur málsvari einstaklinga og fjölskyldna sem eiga misjafnlega gott með að berjast fyrir hagsmunum sínum.
• Að vera hinu opinbera ráðgefandi varðandi réttindamál fatlaðra.