STEF er höfundaréttarstofnun sem hefur haft það að markmiði frá upphafi að gæta hagsmuna innlendra og erlendra tónskálda, textahöfunda og annarra tengdra rétthafa á því sviði höfundaréttar. STEF er sjálfseignarstofnun og er stýrt af fulltrúum þeirra sem aðild eiga að samtökunum. Það eru fyrst og fremst félög tónskálda og textahöfunda, sem fara með stjórn STEFs, en þessi félög eru: Tónskáldafélag Íslands og Félag tónskálda og textahöfunda.