Fyrirtækið er í forystu á alþjóðlegum markaði í vinnslutækni, þróun og framleiðslu á skipavogum, skurðarvélum og þyngdar- og sjónflokkunareiningum fyrir fiskvinnslu og annan matvælaiðnað.

Sérstaða Marels hf. felst í þeirri tækni sem þróuð hefur verið hjá fyrirtækinu t.d. í þrívíddar tölvusjón, rafeindavogum og hugbúnaði sem tengir sjálfvirkar vélar og vinnslulínur. Framleiðsluvörur Marels byggjast á hátækni og gæðum þar sem viðskiptavinurinn hefur forgang.

Fyrirtækið hefur byggt upp öflugt markaðs- og þjónustunet fyrir framleiðsluvörur sínar og nær það til allra helstu markaðssvæða. Vöxtur Marels hefur verið jafn og þéttur á undanförnum árum, bæði í krafti öflugs vöruþróunarstarfs, þar sem fyrirtækið er í fararbroddi en einnig með miklu uppbyggingarstarfi og fjárfestingum erlendis.