Meginhlutverk dóms- og kirkjumálaráðuneytisins er að sjá til þess að réttindi borgaranna séu virt og að lögum og reglu sé haldið uppi. Þá fer ráðuneytið með málefni er varða þjóðkirkjuna og önnur trúfélög á Íslandi, svo og málefni kirkjugarða. Með almennri stefnumörkun og mótun lagareglna vill ráðuneytið njóta trausts fyrir áreiðanlega og skilvirka yfirstjórn þeirrar þjónustu við almenning sem það ber ábyrgð á samkvæmt lögum um stjórnarráð Íslands.