Seltirningar státa sig af bæjarstæði þar sem náttúrufegurðin ríkir. Grótta er eitt helsta kennileiti Seltjarnarness og þangað ættu allir að gera sér ferð til að sjá síðsumarsólina hníga til viðar. Frá Seltjarnarnesi er líka fagurt útsýni til fjalla til norðurs allt frá Esjunni yfir að Snæfellsjökli með sínum leyndardómum.

Á Nesinu er atvinnulíf í blóma, fjöldi smærri fyrirtækja er þar til að veita sína þjónustu. Menningunni er líka gert hátt undir höfði á Nesinu. Nesstofa, staðsett í yfir 200 ára gömlu steinhúsi hýsir Lækningaminjasafnið. Í Gróttu er einnig rekið fræðasetur þar sem nemendur í leik- og grunnskólum bæjarins gefst færi á að kynna sér náttúrufar og dýralíf.