Fjölbrautaskólinn er einn af framsæknari framhaldsskólum landsins og hefur undanfarin ár verið að sækja mjög í sig veðrið með auknu námsframboði og nýjum þjónustuleiðum á framhaldsskólastigi. Skólinn hefur til að mynda stofnað sérstakan Heilbrigðisskóla auk símenntunarstofnunarinnar Framvegis. En til að þjónusta bæði núverandi nemendur skólans og aðra hefur einnig verið stofnað til fjarnáms við skólann. Þar sem margir áfangar eru í boði fyrir þá sem vilja halda áfram þar sem frá var horfið á námsferlinum og einnig þá sem vilja flýta fyrir sér í núverandi námi.