Rannsóknarnefnd flugslysa (RNF) annast rannsókn flugslysa, flugatvika og flugumferðaratvika. Lögsaga RNF tekur til íslensks yfirráðasvæðis, svo og til alls hins íslenska flugstjórnarsvæðis hvað varðar flugumferðaratvik. Markmið með rannsóknum RNF er að finna og skilgreina veikleika og galla sem skaðað geta flugöryggi, svo og að finna orsakaþætti eða líklega orsakaþætti, svo og meðverkandi orsakaþætti sem leiddu til þess að flugslys, flugatvik eða flugumferðaratvik varð. Tilgangurinn er ekki að úrskurða um hvort lög eða reglur hafi verið brotnar eða hvort einhver hafi gerst sekur um vítavert gáleysi eða afglöp í starfi