Öllum aðgengilegt

Aðgengileg hönnun snýst um að gera upplýsingar skýrar og skiljanlegar fyrir alla notendur

Meðal kosta þess að huga að aðgengishönnun eru:

• Uppbygging vefsvæða verður skýr og skilmerkileg
• Vefsvæði verða aðgengileg t.d. sjónskertum og blindum
• Sölu- og skráningarferli verða einföld og þægileg.
• Ná má til stærri notendahóps en ella
• Leitarvélum er auðveldað að finna upplýsingar og skrá þær rétt
• Nýta má möguleika nýjustu tækni án þess að það bitni á notendum eldri búnaðar
• Aðgengileg hönnun er forsenda þess að hægt sé að nýta upplýsingar í t.d. lófatölvum og öðrum sérlausnum

Hugsmiðjan í fararbroddi

Sífellt færist í vöxt skilningur á því að aðgengileiki vefsvæða er hluti af þeirri samfélagslegu kurteisi sem ætlast er til af fyrirtækjum og stofnunum.

Við leggjum metnað okkar í að vera í fararbroddi íslenskra upplýsingatæknifyrirtækja þegar kemur að aðgengilegri hönnun vefsvæða. Sem dæmi má nefna að meirihluti þeirra vefsvæða sem hlotið hafa aðgengisvottun Sjá og ÖBÍ í Forgangi II er unninn af Hugsmiðjunni.

Meðal verkefna sem tengjast aðgengismálum má nefna þjónustuna Mínar Stillingar, sem er einsdæmi á heimsvísu. Hún er hönnuð og rekin af Hugsmiðjunni.

Gögn eru birt til þess að nýtast

Upplýsingar og gögn eru birt á vefsvæðum til þess að hægt sé að nota þau.

Sérfræðiþekking okkar hjálpar þér að tryggja að þær upplýsingar sem þú vilt koma á framfæri verði aðgengilegar öllum, ekki bara sumum.