Við leitum að bakendaforriturum

Hugsmiðjan er hönnunar- og hugbúnaðarhús sem hjálpar fyrirtækjum og stofnunum að ná árangri með nýrri tækni.

Hjá Hugsmiðjunni er ákaflega metnaðarfullt en jafnframt notalegt og afslappað andrúmsloft. Við leggjum mikla áherslu á að vera fyrsta flokks vinnustaður sem laðar að sér framúrskarandi fólk með ástríðu fyrir að skapa yfirburða stafrænar lausnir.

Við leitum að forriturum sem

• eru jákvæðir, metnaðarfullir og lausnamiðaðir
• hafa sjálfstæða og skapandi hugsun
• hafa ástríðu fyrir framúrskarandi notendaupplifun
• eiga auðvelt með samskipti og samvinnu í teymisvinnu

Hæfniskröfur

• Góð þekking á HTML, CSS og JavaScript.
• Góð þekking á Node.js, NextJS, React, og TypeScript.
• Reynsla af hönnun, rekstri og uppsetningu hugbúnaðarkerfa.
• Að minnsta kosti þriggja ára starfsreynsla.
• Reynsla af vinnslu verkefna með skýra tímalínu og framleiðsluáætlun.
• Reynsla af samskiptum við viðskiptavini.
• Þekking á öðrum forritunarumhverfum (t.d. .NET eða Python) er kostur.
• Menntun á sviði tölvunarfræði eða verkfræði er kostur en ekki krafa.

Um hvað snýst starfið?

• Vinna framúrskarandi stafrænar lausnir í samstarfi við hönnuði og viðskiptavini.
• Skipulag, hönnun og forritun í stærri hugbúnaðarverkefnum.
• Rekstur verkefna í samstarfi við viðskiptavini.

Hugsmiðjan býður

• Krefjandi og skapandi verkefni með metnaðarfullum viðskiptavinum.
• Öflug teymi sem samanstanda af fagfólki.
• Vinalegt starfsumhverfi og fjölskylduvæna starfsmannastefnu.
• Niðurgreiddan hádegismat, gott kaffi og fullan ísskáp.

Okkar leiðarljós

• Það er fátt mikilvægara en að rækta sífellt samskiptahæfileika sína. Góð samskipti drífa áfram árangur.
• Við segjum það sem við hugsum því við vitum að öflug samskipti eru lykillinn að skilvirkri teymisvinnu. Vandamál eru til þess að leysa þau.
• Við drögum forsendur og aðferðir í efa en aldrei viðleitni, ásetning eða metnað.
• Við berum virðingu fyrir tíma okkar og annarra og við erum góð í að vinna undir tímapressu; tíminn er okkar verðmætasta eign.
• Við erum vandvirk, en festumst ekki í smáatriðum.
• Ef það er ómögulegt að mæta settri dagsetningu, þá segjum við frá því tímalega. Við bíðum ekki og vonum.
• Árangursrík teymi hjálpast að; við göngum óhrædd í öll verkefni.
• Ef við gerum mistök, þá tökum við ábyrgð á þeim, lögum þau og lærum.
• Ef við sjáum að við höfum eitthvað fram að færa til að hjálpa öðrum starfsmanni þá bjóðum við fram aðstoð okkar.
• Okkur stendur ekki á sama.

Hafðu samband

Sendu okkur umsókn og ferilskrá á starf@hugsmidjan.is, ef þú telur þig vera réttu manneskjuna í starfið.

Umsóknarfrestur er til 20. júní.