Samskip

2019

  • Vefhönnun 
  • Forritun
  • Sérforritun
  • CMS: WordPress

samskip.is


Siglinganet fyrir flutningafyrirtæki í fararbroddi

Hugsmiðjan hannaði nýjan vef fyrir Samskip til þess að einfalda og auka þjónustu þeirra við sína viðskiptavini. Viðskiptavinir Samskipa geta núna fylgst með sendingum sínum í rauntíma á vef flutningafyrirtækisins. Skip félagsins eru einnig merkt inn á rauntímakort og hægt er að fylgjast með ferðum þeirra um allan heim. Hugsmiðjan setti einnig upp siglinganet sem sýnir allar ferðir Samskipa um Evrópu og Norður-Ameríku.


Langstærsta siglingarnet Evrópu

Samskip er eitt stærsta flutningafyrirtæki í Evrópu með starfsstöðvar í 26 löndum í Evrópu, Norður- og Suður-Ameríku, Asíu og Ástralíu. Flutningafyrirtækið býður upp á heildarþjónustu á Íslandi og í Færeyjum, fjölþátta gámaflutningsþjónustu um alla Evrópu og því lykilatriði fyrir fyrirtæki af þessari stærðargráðu að veita upplýsingar í rauntíma á vef sínum. Flutningsnetið og siglingaráætlanirnar sem nú eru aðgengilegar á heimasíðu Samskips eiga þannig þátt í að halda fyrirtækinu í fararbroddi í flutningum.


Finndu þína sendingu, hvar sem er í heiminum

Á nýjum vef fyrirtækisins er nú hægt að rekja innanlandssendingar beint á vefnum, það er því ekki þörf á að auðkenna sig á þjónustuvefnum til þess að sjá hvar sendingin er stödd. Þessi breyting nýtist þeim vel sem panta vörur á landsbyggðinni og nú geta viðskiptavinir Samskipa séð með einföldum hætti hvar sendinginn þeirra er stödd og hvenær hún er væntanleg.


Umhverfismálin ávallt í fyrirrúmi

Samskip hefur um árabil lagt áherslu á að vera leiðandi í umhverfismálum. Hugsmiðjan setti upp kolefnisreiknivél fyrir viðskiptavini fyrirtækisins svo hægt sé að reikna út ávinning af fjölþátta flutningum. Þá leitast Samskip á Íslandi við að notast við eins nýjar vöruflutningabifreiðar og hægt er, lágmarka orkunotkun með sólarsellum eins og gert var á kæligeymslum FrigoCare í Rotterdam. Hugsmiðjan er stolt af því að aðstoða Samskip og viðskiptavini þeirra í að minnka kolefnisspor sitt.

  • Samskip-grid1
  • Samskip-grid2
  • Samskip-grid3
  • Samskip-grid4
  • Samskip-grid5

Sannar gjafir Unicef

Er enginn að hugsa um börnin? Jú, reyndar

Dagur íslenskrar tónlistar

Gera sem allra mest fyrir íslenska tónlist

Hugsmiðjan tók að sér að halda utan um Dag íslenskrar tónlistar sem var haldinn hátíðlegur fimmtudaginn 6. Desember 2018. 

Ásamt því augljósa, að hampa íslenskri tónlist og tónlistarmönnum, var verkefnið að auka vitund almennings um daginn, fá fjölmiðla til að styðja við verkefnið með umfjöllun og gera sem allra mest úr takmörkuðu fjármagni sem viðburður sem þessi hefur úr að spila. 

Persónuvernd

Ný lög kalla á nýjan vef með framúrskarandi miðlun upplýsinga

2018 var mikilvægt ár fyrir Persónuvernd. Með tilkomu nýrra persónuverndarlaga lá mikið við að veita almenningi framúrskarandi upplýsingaþjónustu. Markmið nýja vefsins var skýrt: Að miðla upplýsingum til almennings, fyrirtækja, stofnanna og fjölmiðla á sem aðgengilegastan og notendavænstan hátt.