BSRB - Styttri.is

2019

  • Hönnun og upplýsingahögun
  • Lógóhönnun
  • Vefun
  • Sérforritun
  • Markaðsherferð

styttri.is


Vefurinn hjarta kynningarherferðar

BSRB samdi um styttingu vinnuvikunnar vorið 2020. Það var mikill áfangi, enda um að ræða stærstu breytingu á vinnutíma launafólks í hálfa öld. Ljóst var að næsta skref yrði að styðja félagsmenn gegnum breytingarnar og fékk Hugsmiðjan það hlutverk að hanna vef og kynningarherferð um styttri vinnuviku.

Hugsmiðjan þekkir af eigin raun ávinning styttri vinnuviku og erum við stolt að því að hafa fengið það verkefni að miðla þessum mikilvæga boðskapi víðar.

Vefurinn hefur það markmið að halda utan um styttinguna, þar má finna hagnýtar upplýsingar ásamt kraftmiklum greinum og reynslusögum sem veita launafólki og stjórnendum innblástur. Því það er til mikils að vinna minna. Vefurinn var hannaður með skilaboð verkefnisins í huga og varð hjartað í kynningarherferð BSRB um styttingu vinnuvikunar.


Kraftmikið myndmál og jákvæð skilaboð

BSRB hefur barist fyrir styttingu vinnuvikunnar í fjölda ára. Hönnunin endurspeglar þann baráttuanda - kraftmikil með sterka og djarfa liti. Útlit fyrirsagna er innblásið af kröfuskiltum og er þannig skírskotun í sögu stéttarfélaga, ástríðu og kraft.

Tónninn í herferðinni var jákvæður, styttingin er í höfn og því ber að fagna. Vinnunni er þó alls ekki lokið, útfærsla styttingarinnar fer fram inn á vinnustöðum. Markmiðið herferðarinnar var að skapa jákvæða samstöðu um það að útfæra styttinguna á sem farsælastan hátt. Styttingin snýst um það að gera drauminn um styttri vinnuviku og fjölskylduvænna samfélag að veruleika og að við getum haft áhrif.


Styttri

Alvöru reynslusögur í forgrunni

Vefurinn og herferðin í heild sinni byggja á því að miðla efni um ávinning styttri vinnuviku með mannlegri nálgun. Áhersla er lögð á reynslusögur félagsmanna, enda snýst stytting vinnuvikunnar ekki bara um mínútur og klukkutíma, heldur um ávinninginn sjálfan – gæðastundirnar.

  • Styttri - artboard

Herferðin hluti af stærra samtali

Útfærslan á styttingu vinnuvikunnar fer fram í lýðræðislegu samtali á vinnustöðum hins opinbera. Herferðinni var ætlað að vera hluti af þessu samtali, með því að miðla því sem skiptir félagsmenn máli varðandi styttri vinnuviku og daglegt líf.

Það vann með herferðinni að mikið af efni hennar fékk töluverða sjálfsprottna (organíska) dreifingu á samfélagsmiðlum, auk þess sem líflegar umræður spruttu um vissar færslur. Með þessu fékk BSRB tækifæri til að svara beint ýmsum vangaveltum félagsmanna um styttinguna, án þess að umræðan einskorðaðist við tiltekna vinnustaði.


Styttri  í síma
Styttri  í síma
Styttri  í síma
Styttri  í síma
Styttri  í síma

Smart

Framtíðin er þín

Við erum spennt fyrir því sem koma skal. Hvers vegna? Því við erum einu skrefi nær þeim áfanga að skapa betri framtíð. En hvað brúar bilið milli dagsins í dag og morgundagsins? Hvað ber morgundagurinn í skauti sér? Og hvernig tengjumst við þeim spennandi tímum sem eru fram undan?

Aztiq.com

Aztiq is an experienced team of operators that have a history of building global platforms.

Flóki Invest

Framúrstefnulegt, kraftmikið og einstakt fjárfestingafélag

Flóki Invest hyggst byggja upp sterka og jákvæða ímynd með því að taka þátt í samfélagslega mikilvægum verkefnum og stuðla að framþróun í samfélaginu.