Lifandi vettvangur fyrir málefni norðurslóða
Arctic Circle er alþjóðlegur vettvangur samvinnu og samtals um málefni norðurslóða. Hápunktur starfsins er árlegt þing Arctic Circle sem haldið er í Hörpu. Samtökin eru sérstaklega áberandi í umræðunni um loftslagsmál, einskonar lifandi vettvangur fyrir þetta mikilvæga málefni.
Hugsmiðjan hannaði, forritaði og setti upp nýjan vef Arctic Circle, sem heldur utan um fjölbreytta viðburði, upplýsingar og skráningu ásamt útgefnu efni um málefni norðurslóða.
Lýðræðislegt samtal og samvinna
Arctic Circle er vettvangur fyrir samtal um málefni norðurslóða og samtökin halda fjölbreytta viðburði um allan heim, ásamt efnisútgáfu. Það var mikilvægt að vefurinn næði utan um þessa fjölbreytni í starfi Arctic Circle; ólíkum hlutum starfsins er á vefnum stillt upp á hringformi, sem minnir á skipsstýri. Einnig er það hlutverk vefsins að halda utan um viðburði og hvetja fólk til þátttöku; ýmist með því að mæta á þingið, taka þátt í vefviðburðum, eða gegnum útgefið efni og upptökur.
Á forsíðunni er með skýrum hætti dregið fram nýlega útgefið efni og þeir viðburðir sem eru framundan.
Introducing the new Arctic Circle website
Look at the style, the approach, the platforms, the vision, the wealth of information and data. Give us feedback! Hopefully you will be inspired by the futuristic and elegant design. THANKS to all involved! - @ORGrimsson á Twitter
Ólafur Ragnar Grímsson
President of Iceland 1996-2016, Chairman of Arctic Circle
Sterkt myndmál, kalt og kraftmikið brand
Málefni norðurslóða eru fjölbreytt og snerta við fólki um allan heim. Á vefnum má finna kraftmiklar myndir af byggðum á norðurslóðum, ís og hafi. Einnig eru á vefnum myndir af Arctic Circle ráðstefnunni þar sem í kringum þúsund manns frá 50 löndum koma saman, ræða málefni norðurslóða og skemmta sér. Þar er fólkið sjálft í forgrunni.
Norðurslóðir frábær innblástur
Það var virkilega spennandi að fá að taka þátt í því að koma á framfæri þessu mikilvæga málefni. Við sóttum innblástur í heimskautabauginn sjálfann, þar sem hringformið er notað á skemmtilegan hátt í hönnuninni, bæði á forsíðu, á ljósmyndum, í rúnuðum hnöppum og í kvikun á valmynd.
Birna Bryndís Þorkelsdóttir
Hönnunarstjóri