Við trúum því að allir vefir eigi að vera snjallir

Maggi, Jóna, Arna og Jón eru einstaklega fróð um allt það sem fær notendur þína til að skilja og nota vefinn þinn. Einstaklega skemmtilegur hópur sem er vel að sér og þau eru ekki feimin við að segja þér hvað þeim finnst.

Margeir og Óttar eru í framlínunni í ráðgjöf. Þeim finnst gott að hlusta í vinnunni því þeir búa til svo mikinn hávaða utan skrifstofunnar.

Már, Tóró, Valur, Hrafn, Snorri, Heiðar, Kári, Hugi og Björn halda uppi vefun á öllum verkefnum Hugsmiðjunnar. Þeir segjast hafa gert þetta áður. Nokkrum sinnum.

Reynir, Gummi, Atli, Logi, Paul, Freyr og Óli skrifa og drekka heilan helling af Java. Á milli sín sjá þeir um að viðhalda Eplicunni og forrita alla sérvirkni sem Hugmiðjuvefir bjóða upp á. Þetta er góður hópur af fáránlega fróðum forriturum.

Addi og Bjöggi passa upp á alla 300+ vefina sem hýstir eru hjá Hugsmiðjunni. Viðbragðsnöggir eins og sléttuhundar ganga þeir strax í málin ef eitthvað kemur upp á.

Lauga, Gauja og Fanney eru þrjár yndislegar dömur sem kunna að redda hlutunum. Þær eru mjög fróðar um alls konar Hugsmiðju/Eplica/vef-mál og svara fljótt og vel í síma og tölvupósti. Vegna vinsælda bíðum við átekta eftir klónunarvél.

Þórarinn er villupúkinn okkar. Hann fær að prófa vefina á alls kyns tækjum áður en þeir fara í loftið. Best er að segja ekki "mér hlakkar til" eða "hverjum langar" svo hann heyri. Þá færð þú kartöflu í skóinn.

Halla, Sigurhanna, Stefán, Lísa og Ragnheiður sjá um viðskipta-, verkefna- og framkvæmdastjórn. Þau eru haldin skipulagsfíkn á háu stigi sem sést vel á Excel- og Kanban-notkun þeirra.