BHM
BHM
Skýr og léttur
Þjónustur
Vefhönnun, notandaupplifun (UX), forritun, efnishögun, efnisvinnsla, ljósmyndun
Um verkefnið
Bandalag háskólamanna (BHM) þurfti á nýrri veflausn að halda til að veita félagsmönnum sínum – sem starfa hjá ríkisstofnunum, sveitarfélögum og á almennum vinnumarkaði – aðgengi að mikilvægum upplýsingum um réttindi sín, þjónustu og starfsemi BHM.
Vefurinn þurfti því að vera nýstárlegur, gagnvirkur og notendavænn til að þjónusta breiðan hóp félagsmanna. Hugsmiðjan hefur átt farsælt samstarf við BHM í rúman áratug og með sérþekkingu okkar tókst að gera flóknu hlutina einfalda og sníða viðmót að þörfum BHM og félagsmanna.
Að skrifa fyrir vefinn og efnisgerð
„Í samvinnu við textasmiði hjá BHM prófuðum við okkur áfram og unnum með afmarkaða kafla vefsins þar til við áttum fyrirmyndir að dæmigerðum efnistegundum sem við gátum stuðst við. Hluti af ferlinu fólst líka í því að horfast í augu við sumir textar, t.d. varðandi lögfræðileg álitamál vinnuréttar, þurfa að fá að vera margorðir og verða kannski seint spennandi lesning fyrir hinn dæmigerða lesanda.“
Þórarinn Stefánsson, ráðgjafi hjá Hugsmiðjunni
Wow factorinn
BHM hafði nýlega farið í gegnum endurmörkun hjá auglýsingastofunni Kontor með ferska litapallettu og nýtt logo sem var spennandi að vinna með. En sjónrænni sjálfsmynd fylgja fleiri þættir, þar á meðal ljósmyndun. Það sem tekur á móti viðskiptavinum þarf að hafa „wow“ factor – því fólk myndar sér skoðun á aðeins 50 millisekúndum! Við ákváðum því að ramma inn starfssvið og stemmningu með heildstæðum ljósmyndatökum.
Umgjörð
Í efnisvinnslu fyrir nýja vefinn lögðum við upp með dálítið annan tón og reyndum að forðast beinar afritanir af gamla vefnum, en gæta þess um leið að mikilvægar upplýsingar glatist ekki. Hönnun nýja vefsins mótar töluvert aðra umgjörð um efnið, meðal annars með því að leyfa ekki veftrénu að verða mjög djúpt.
Í skýjunum með útkomuna
„Það var stórt verkefni að endurgera vef BHM frá grunni. Markmiðið var að setja fram efni sem oft virkar flókið með sem einföldustum hætti þannig að vefurinn yrði mun aðgengilegri, persónulegri, snjallari og léttari en áður. Hugsmiðjan kom að öllum þáttum þessarar vinnu með okkur, allt frá því að móta áherslur í að aðstoða við textaskrif og taka myndir fyrir vefinn. Sjónræni þátturinn skiptir mjög miklu máli og góð hönnun, myndir og skýr texti spila lykilhlutverk í að fanga athygli notandans og leiða hann áfram. Allt tókst þetta einstaklega vel og við erum í skýjunum með útkomuna.“
Þórhildur Þorkelsdóttir, kynningarstjóri BHM
Verðlaun og viðurkenningar
Awwwards
Efnis- og fréttaveita ársins