Við erum stolt af samvinnunni
Við hjálpum þér að ná árangri með nýrri tækni. Við elskum að skapa fallegar, notandavænar og árangursríkar lausnir.
Smart
Framtíðin er þín
Við erum spennt fyrir því sem koma skal. Hvers vegna? Því við erum einu skrefi nær þeim áfanga að skapa betri framtíð. En hvað brúar bilið milli dagsins í dag og morgundagsins? Hvað ber morgundagurinn í skauti sér? Og hvernig tengjumst við þeim spennandi tímum sem eru fram undan?
Aztiq.com
Aztiq is an experienced team of operators that have a history of building global platforms.
Flóki Invest
Framúrstefnulegt, kraftmikið og einstakt fjárfestingafélag
Flóki Invest hyggst byggja upp sterka og jákvæða ímynd með því að taka þátt í samfélagslega mikilvægum verkefnum og stuðla að framþróun í samfélaginu.
Landsbjörg
Hjálpum Landsbjörg að bjarga mannslífum
Við þekkjum öll slysavarnafélagið Landsbjörg og þeirra gríðarlega mikilvæga starf, það var í höndum okkar hjá Hugsmiðjunni að koma því verðmæta starfi til skila á nýjum vef Landsbjargar. Nýi vefurinn notast við einfalt leiðarkerfi, er skýr og einfaldur í notkun, en nær á sama tíma að koma til skila spennandi efni í máli og með grípandi ljósmyndum sem auðga notendaupplifun til muna.
Slysavarnafélagið Landsbjörg hafði nýlega farið í gegnum endurmörkun hjá hönnunarstofunni Arnar&Arnar og fengum við því í hendurnar ferska og nútímalega ásýnd, sem varð okkar að yfirfæra yfir í stafrænt form. Vefurinn er nútímalegur, kraftmikill og spennandi.
Arctic circle
Lifandi vettvangur fyrir málefni norðurslóða
Arctic Circle er alþjóðlegur vettvangur samvinnu og samtals um málefni norðurslóða. Hápunktur starfsins er árlegt þing Arctic Circle sem haldið er í Hörpu. Samtökin eru sérstaklega áberandi í umræðunni um loftslagsmál, einskonar lifandi vettvangur fyrir þetta mikilvæga málefni.
Hugsmiðjan hannaði, forritaði og setti upp nýjan vef Arctic Circle, sem heldur utan um fjölbreytta viðburði, upplýsingar og skráningu ásamt útgefnu efni um málefni norðurslóða.
Íslandsbanki
Stafrænir ferlar sem breyta lífi fólks
Íslandsbanki er með sterka framtíðarsýn í þróun stafrænna lausna fyrir sína viðskiptavini og höfum við verið þeirra helsti samstarfsaðili í þróun og hönnun.
Neyðarlínan 112
Nýtt tól í baráttunni við ofbeldi
Sameiginleg rafræn gátt fyrir þolendur, gerendur og aðstandendur ofbeldis hefur opnað á nýjum vef 112.is unnin af Hugsmiðjunni og aðgerðateymi gegn ofbeldi, skipað af félagsmálaráðherra og dómsmálaráðherra.
Aukin hætta er á ofbeldi á tímum áfalla líkt og í kórónuveirufaraldrinum. Það er því brýn nauðsýn að einfalda ferli við að leita sér aðstoðar og bjóða upp á ný úrræði til lausnar. Það geta verið þung skref að leita sér hjálpar vegna ofbeldis í nánu sambandi. Margir veigra sér við að hringja í 112 en með nýjum vef er verið að bjóða upp á nýtt viðbragðsúrræði, því á vefnum er að finna netspjall við neyðarverði Neyðarlínunnar.
Vefur Neyðarlínunar var valin stafræn lausn ársins á Íslensku vefverðlaununum 2020 auk þess að hljóta aðal viðurkenningu vefverðlaunnanna „Verkefni ársins!“. Það var virkilega ánægjulegt að fá viðurkenningu fyrir þetta samfélagslega mikilvæga verkefni.
Endurmörkun Samfylkingarinnar
Nýtt merki og vefur
Hugsmiðjan fékk það skemmtlega verkefni að fara með Samfylkingunni í gegnum allsherjar endurmörkun á 20 ára afmæli flokksins. Útkoman er stílhrein og nútímaleg ásýnd sem nýtur sín vel á nýjum vef ásamt nýju merki.
Hvaða motta ert þú?
Með mottufilternum geta allir verið með mottu
Vel heppnuð samfélagsmiðlaherferð fyrir Mottumars.
Bleika slaufan seldist upp og vefverslun jókst um 56%
Krabbameinsfélagið
Bleika slaufan seldist upp á fyrstu vikum átaksins og beiðnir um skimanir margfölduðust í kjölfarið.
Karlaklefinn
Í karlaklefum landsins er spjallað um allt mögulegt – við settum upp einn til viðbótar
Karlaklefinn er vefur fyrir karlmenn um heilsu, forvarnir og auðvitað krabbamein: Skrifaður fyrir karlmenn og aðstandendur þeirra, lausnamiðaður og vísar óhikað á aðra vefi varðandi ítarupplýsingar.
Hugmyndin að baki Karlaklefanum var mótuð í samvinnu Hugsmiðjunnar og Krabbameinsfélagsins. Hann er hugsaður sem millistig milli átaksverkefnisins Mottumars annars vegar og stóra bróður, vefs Krabbameinsfélagsins, hins vegar.
Gus Gus
Þegar Gus Gus breytti Eldborg í næturklúbb
GusGus hélt tvenna tónleika í Eldborgarsal Hörpu í nóvember á síðasta ári. Uppselt var á báða tónleikana sem þóttu mjög vel heppnaðir. Hugsmiðjan sá um heildarskipulagningu ásamt því að sinna hugmyndavinnu, hönnun, efnisframleiðslu og markaðssetningu. Loks voru tónleikarnir teknir upp fyrir Sjónvarp Símans.
Í markaðssetningunni á tónleikunum notuðum við stafræna miðla til að fullvissa okkur um að við þyrftum ekki á auglýsingum í hefðbundnum miðlum að halda. Þannig var kostnaði haldið í lágmarki, án þess að það bitnaði á árangrinum.
Forsala á tónleikana var notuð til að skoða viðbrögð fólks áður en almenn miðasala hófst. Krafturinn í auglýsingakerfinu á Facebook var svo nýttur til að koma auglýsingum til afmarkaðs hóps og hélt það kostnaði í lágmarki. Fólk sem hafði sýnt einhvers konar áhuga á tónleikunum sá auglýsingarnar — þetta voru harðir aðdáendur, fólk sem hafði horft á myndbönd tengd tónleikunum eða fólk sem hafði hreinlega sagst ætla að mæta.
Þetta skilaði sér í tveimur uppseldum tónleikum.
Persónuvernd
Ný lög kalla á nýjan vef með framúrskarandi miðlun upplýsinga
2018 var mikilvægt ár fyrir Persónuvernd. Með tilkomu nýrra persónuverndarlaga lá mikið við að veita almenningi framúrskarandi upplýsingaþjónustu. Markmið nýja vefsins var skýrt: Að miðla upplýsingum til almennings, fyrirtækja, stofnanna og fjölmiðla á sem aðgengilegastan og notendavænstan hátt.
Félag lykilmanna
Mikil fjölgun félagsmanna
Félögum í Félagi lykilmanna hefur fjölgað um rúmlega 50 prósent frá því að samstarfið við Hugsmiðjuna hófst í desember.
Borgarleikhúsið
Vefur sem sýnir allt það besta sem Borgarleikhúsið hefur upp á að bjóða
Markmið okkar var að skapa vef sem leyfði Borgarleikhúsinu að sýna allt það besta sem það hefur upp á að bjóða. Glæsilegt myndefni er í forgrunni. Gestir ættu að fá innblástur, vera skemmt, læra eitthvað nýtt og auðvitað helst af öllu finna brennandi löngun til að skella sér í leikhúsið!
Síða 1 af 2
- Fyrri síða
- Næsta síða