Gjörbreytt þjónusta fyrir viðskiptavini Íslandsbanka
Íslandsbanki er með sterka framtíðarsýn í þróun stafrænna lausna fyrir sína viðskiptavini. Hugsmiðjan er stolt að taka þátt í þeirri vegferð að hanna og forrita framúrskarandi ferla og lausnir út frá breyttum þörfum viðskiptavina. Undanfarið ár hefur verið afar viðburðaríkt og mikið af nýjungum komið fram. Allt frá nýju appi, stafrænu greiðslumati til stofnun verðbréfaviðskipta.
Hönnun á nýju appi
Hugsmiðjan hannaði nýtt app Íslandsbanka. Allar aðgerðir voru endurskoðaðar, styttar og bættar með bestu notendaupplifun að leiðarljósi. Viðskiptavinir geta nú sinnt öllum helstu bankaviðskiptum í appinu á einfaldan hátt. Áhersla var lögð á að einkenni Íslandsbanka kæmi sterkt fram og myndi skera sig úr fjöldanum.
Greiðslumat og húsnæðislán
Viðskiptavinir geta á einfaldan hátt sótt um greiðslumat og húsnæðislán þegar og þar sem þeim hentar. Flóknar upplýsingar eru settar fram á mannamáli og allir valkostir skýrir. Áður flókið og langt ferli er orðið lipurt og einfalt og leiðir viðskiptavinin áfram af öryggi.
Velkomin í viðskipti
Viðskiptavinir geta skoðað vöruúrval Íslandsbanka og komið í viðskipti á örfáum mínútum. Ferlið er sett upp líkt og kaupferli sem fólk er vant í netviðskiptum. Á nokkrum mínútum ertu komin í viðskipti með nýtt debet- eða kreditkort, sparnað eða í verðbréfaviðskipti hvort sem þú ert einstaklingur eða lögaðili.
Hönnunarkerfi
Í allri hönnun fyrir lausnir bankans vinnum við með ítarlegt hönnunarkerfi sem stækkar og þróast með hverri lausn. Þetta tryggir fullkomið samræmi milli verkefna og að rödd og ímynd Íslandsbanka sé sterk og greinileg. Við smíðuðum sér hluta innan hönnunarkerfisins fyrir öll sjálfvirk umsóknarferli bankans.
