Viska
Stafræn þjónusta í forgrunni
Þjónusta
Vefhönnun, notendaupplifun/UX, vefþróun, efnishögun, ljósmyndun
Verkefnið
Viska er nýtt og framsækið stéttarfélag að norrænni fyrirmynd, með það að markmiði að skapa sér sérstöðu og vekja traust. Nýr vefur unninn af Hugsmiðjunni gegnir lykilhlutverki í starfi félagsins og ímynd þess.
Vefurinn þarf að undirstrika sterka fyrstu upplifun sem vekur traust, áhuga og tilfinninguna „hér vil ég vera“. Íslensk ljósmyndun er í forgrunni í allri ásýnd vefsins og ýtir undir trúverðugleika.
Markmið
Veflausninni er ætlað að undirstrika og styrkja ímynd Visku og tryggja að stafræn þjónusta sé í forgrunni. Núverandi og verðandi félagar í Visku eiga að geta afgreitt sig sjálfir á vefnum, fundið nauðsynlegar upplýsingar með auðveldum hætti og haft samband þegar þörf krefur.
Sem nýtt félag leggur Viska mikla áherslu á að kynna starfsemi sína fyrir hugsanlegum félagsmönnum, þar á meðal háskólanemum. Vefurinn er fyrsti snertiflötur félagsmanna við félagið og mikilvægt að hann beini þeim rétta leið að svörum og liðsinni eins og hægt er.
Tæknileg nálgun
Viska leggur áherslu á að nýta tækni til að leysa helstu áskoranir. Upplýsingar um vinnurétt eru til dæmis sóttar beint frá BHM, sem tryggir að upplýsingar séu alltaf sjálfkrafa uppfærðar.
Í samráði við okkur lagði Viska metnaðarfulla vinnu í að færa kjarasamninga í stafrænt form, sem er bylting í framsetningu íslenskra kjarasamninga. Samningstextar færast úr .docx og .pdf skrám yfir í gagnvirkni sem leyfir meðal annars nákvæma leit og birtingu á breytingasögu.
Notendamiðuð virkni
Allt efni er unnið út frá skilgreindum markhópum og hönnun vefsins gerir kleyft að stilla upp lendingarsíðum fyrir hvern og einn markhóp. Sem dæmi má nefna áherslu Visku á að tala beint til háskólanema.
„Skiptilykillinn“ auðveldar skráningu í félagið og öll skráningarform eru tengd beint við CRM kerfi Visku til að flýta fyrir afgreiðslu þjónustubeiðna.
Jökulá
Upplifun notenda
Gæðahönnun og notendaupplifun
Mikil áhersla er lögð á vandaða hönnun og notendaupplifun, þar sem ljósmyndir af íslensku umhverfi gegna lykilhlutverki.
Öflug leitarvirkni gerir notendum kleift að leita í öllum efnistegundum, þar á meðal kjarasamningum, með möguleika á að sía leitarniðurstöður eftir þörfum. Loks er aðstoðarhnappur með helstu aðgerðum aldrei langt undan.
Hönnunarsamstarf
Jökulá
Raunverulegar ljósmyndir til að lýsa frásögnum
Ísland er lítið og oft er ekki raunhæfur kostur að nota myndasöfn af lagermyndum þar sem þær endurspegla ekki íslenskan veruleika. Vörumerkja- og efnisljósmyndun er mikilvægur þáttur í efnisgerð fyrir nýja veflausn og felur í sér að skapa viðeigandi og samræmt myndefni sem passar við vörumerkið. Til að segja sannar sögur þarf raunverulegar myndir. Það var einstaklega ánægjulegt að fá það traust að sjá um alla ljósmyndun fyrir veflausn Visku.
Jóhanna Helga Þorkelsdóttir, hönnunarstjóri og ljósmyndari