Umhverfisstefna Hugsmiðjunnar

Umhverfisstefnan og framkvæmd hennar er liður í daglegu starfi Hugsmiðjunnar til að draga úr álagi á umhverfið. Hugsmiðjan mun ávallt leitast við að hafa jákvæð áhrif á umhverfi og samfélag með ákvarðanatöku sinni.

Hugsmiðjan hefur sjálfbæra þróun og vernd umhverfisins að leiðarljósi. Það er stefna Hugsmiðjunnar að leitast við að lágmarka áhrif neikvæðra umhverfisþátta í starfsemi sinni og hefur umhverfismál ávallt til hliðsjónar í ákvarðanatöku fyrirtækisins.

Mynd_umhverfiss

Markmið

Haga störfum okkar þannig að neikvæðum umhverfisáhrifum sé haldið í lágmarki og unnið sé í samræmi við alþjóðlega staðalinn ISO14001 um umhverfisstjórnun.
Uppfylla kröfur sem gerðar eru í lögum og reglugerðum er varða umhverfismál starfseminnar og ganga lengra eins og kostur er.
Leggja sérstaka áherslu á, góða nýtingu auðlinda, lágmörkun úrgangs og aukna endurvinnslu, leiðir til að draga úr losun gróðurhúsalofttegunda og vistvæn innkaup.
Vinna að framþróun umhverfismála með stöðugri vöktun og stýringu þeirra þátta sem valda neikvæðum umhverfisáhrifum.
Efla umhverfisvitund starfsmanna, hvetja til framsækni og umhverfisvænna úrlausna.
Reyna að birta opinberlega upplýsingar um árangur í umhverfismálum og hvetja til samráðs við starfsmenn, rekstraraðila, nágranna og aðra hagaðila um málaflokkinn.

Leiðarljós

Innkaup eru í samræmi við stefnu um vistvæn innkaup.
Starfsfólk fær reglulega fræðslu um umhverfismál.
Starfsfólk fær umhverfisvæna valkosti í fæðuvali sbr vegan eða grænmetiskosti.
Veita starfsfólki styrk til að nota vistvænan samgöngumáta.
Minnka kolefnisspor m.þ.a. draga úr losun gróðurhúsalofttegunda með vistvænni samgöngu.
Úrgangur er flokkaður og skilað til endurnýtingar eða endurvinnslu. Unnið er markvisst að því að draga úr úrgangi.
Spilliefnum og hættulegum efnum er fargað á viðeigandi hátt.

Ábyrgð

Framkvæmdastjóri er ábyrgur fyrir framkvæmd stefnunnar og endurskoðun hennar. Sérhver starfsmaður framfylgir umhverfisstefnunni og hefur hana að leiðarljósi í starfi sínu.