Kvikmyndamiðstöð
Fróðleiksbrunnur um íslenska kvikmyndagerð
Þjónusta
Vefhönnun, notendaupplifun/UX, forritun, efnishögun
Um verkefnið
Kvikmyndamiðstöð Íslands gegnir lykilhlutverki í íslenskum kvikmynda- og sjónvarpsiðnaði. Á nýjum vef KMÍ er meðal annars gagnagrunnur sem á einum stað nær yfir kvikmyndir, leikið sjónvarpsefni, leikara, leikstjóra og framleiðendur.
Markmið
Lykilmarkmiðið með nýjum vef Kvikmyndamiðstöðvar var að sameina tvo vefi sem áður voru sjálfstæðir, í uppfærðri tæknilausn og viðmóti.
Auk upplýsinga um miðstöðina, íslenska kvikmyndagerð og þátttöku íslenskra verkefna í alþjóðlegum hátíðum rak KMÍ áður sjálfstæðan vef, Kvikmyndavefinn, með gagnagrunni um íslenskar kvikmyndir, aðstandendur þeirra og framleiðslufyrirtæki.
Sá vefur byggði á eldri sérsmíði sem orðin var þörf á að færa yfir í nútímalegri og betur studda tækninálgun.
Niðurstaða
Nýr vefur nýtir styrkleika og sveigjanleika Payload CMS vefumsjónarkerfisins til að sameina í eina heild upplýsingar um starfsemi miðstöðvarinnar og gagnagrunn yfir kvikmyndir og sjónvarpsefni.
Eldra efni gagnagrunnsins var yfirfarið og fært í nýja tæknihögun. Allt viðmót vefsins var endurhannað með skarpari áherslum á mikilvægustu þætti í starfi Kvikmyndamiðstöðvar.
Leitarvirkni gagnagrunnsins og hraði er stórlega bætt í nýju og notendavænu viðmóti, en þar er meðal annars að finna skráningar fleiri en 10.000 einstaklinga og tengsl þeirra við rúmlega 2.000 verkefni af ólíkum toga.