Kraftmikið ár
í breytingum. í hugbúnaðarþróun. í þjónustuhönnun. í kvikun. í tilnefningum. í hönnunarkerfum. í apphönnun. í mörkun. í ljósmyndun. í forritun. í vefhönnun. í greiningum. í vinnustofum.
Lítum yfir árið 2023…

Íslandsbanki

Við endurhönnuðum vef Íslandsbanka í takt við branduppfærslu. Nú tekur mýkra og vinalegra viðmót á móti viðskiptavinum, nýjar reiknivélar, lendingarsíður, hjálparsíða og margt fleira. Samhliða því tókum við hönnunarkerfið upp á næsta stig.


„Minn banki“ - notendagátt var kynnt til leiks og verður spennandi að þróa hana enn frekar. Við héldum áfram að þróa appið og hlökkum til að sýna ykkur fleira spennandi sem mun koma út á árinu.

Skoða vef

Hraðar fram­farir í staf­rænni þjónustu vekja at­hygli

Stafrænt Ísland og stafræn umbreyting ríkisins vöktu athygli út fyrir landsteinana enda er Ísland nú í 4. sæti í könnun Evrópusambandsins á stafrænni þjónustu.

Við fórum m.a. til Parísar á árinu til að kynna verkefni island.is og skoða samstarfsgrundvöll við franska ríkið ásamt því að kynna verkefnið fyrir fulltrúum ríkisstjórnar Barbados. Ragnheiður, framkvæmdastjóri ræddi um málið í viðtali við innherja.

Lesa viðtal

Mínar síður

Mikil vinna hefur verið lögð í áframhaldandi þróun á Mínum síðum inn á island.is – m.a. nýtt leiðarkerfi fyrir sívaxandi þjónustu­framboð, nýtt pósthólf með bættri notendavirkni og fleira.

Á Mínum síðum getur almenningur nálgast allar upplýsingar og samskipti við ríkið á einum stað sem er ómetanlegt þegar kemur að tímasparnaði og yfirsýn fyrir fólkið í landinu. Það er ótrúlega gefandi að taka þátt í skapa lausnir sem virkilega breyta lífi fólks .

Sjá kynningarmyndband

Myndlistarmiðstöð

Myndlistarmiðstöð kynnir íslenska samtímalist á alþjóðavettvangi með nýjum vef. Vefurinn styður samstarf milli sýningarstjóra, listamanna, fjölmiðla og stofnana. Listin er alltaf í forgrunni og það skilar sér í stílhreinni hönnun og kvikun vefsins. Listunnendur geta nálgast sýningardagatal sem heldur utan um fjölbreyttar sýningar og viðburði. Studio Studio sá um mörkun. Vefurinn var nýlega tilnefndur hjá hinu virta Awwwards.com fyrir framúrskarandi vefhönnun og forritun.

Skoða vefinn
Myndlistarmiðstöð

"Við hjá Myndlistarmiðstöð erum í skýjunum með nýjan vef og samstarfið við Hugsmiðjuna. Verkefnið var stórt og þurfti að samþætta efnismikla vefi. Hugsmiðjan skildi verkefnið strax frá upphafi og vann það af áhuga og alúð. Það skipti okkur miklu máli að fá fagfólk með okkur og hugsa vefinn út frá nýjum sjónarhornum. Samstarfið var frábært, öll samskipti góð, fagmennskan alltaf í fyrirrúmi og starfsfólk Hugsmiðjunnar var mjög lausnamiðað og útsjónarsamt."

Auður Jörundsdóttir Forstöðumaður Myndlistarmiðstöðvar

Íslensku tónlistarverðlaunin

Nýr vefur íslensku tónlistarverðlaunanna heldur utan um merka sögu verðlaunahafa og tekur á móti tilnefningum til næstu verðlauna.

Skoða vef

Isavia

Isavia kynnti endurmörkun á Keflavíkurflugvelli á árinu undir nýju nafni KEF með ítarlegri stafrænni vörumerkjahandbók. Hönnun brandsins var í höndum Brandenburgar og vefurinn hannaður af Arnari Ólafs. Við sáum um kvikun, forritun á viðmóti og virkni á veflausninni. Áframhaldandi þróun við veflausnir Isavia eru framundan og verður spennandi að kynna síðar.

Skoða vef

Bleikasta bleika slaufan

Bleiki október var sérstaklega magnaður og eftirminnilegur í ár, eins og gildir raunar um allt okkar samstarf við Krabbameinsfélagið. Við höfum undanfarin ár stutt við bakið á félaginu í öllu sem viðkemur þeirra stafrænu lausnum og hlökkum til að fá að deila með ykkur nýjum vef Krabbameinsfélagsins á næstunni.

Skoða frétt

EFLA Engineers

Markmið alþjóðlegs vefs EFLU er að kynna þjónustuframboð fyrirtækisins utan landsteinanna. Lagt var upp með að hönnun vefsins væri kraftmikil og eftirtektarverð, en byggi á sama tíma yfir ákveðinni mýkt með ávölum formum og fallegum ljósmyndum. Vefurinn veitir notendum einfalt aðgengi að þjónustu, ásamt því að endurspegla gildi og menningu fyrirtækisins og ýta undir traust og trúverðugleika EFLU. Hlutverk vefsins er síðast en ekki síst að vekja athygli á þeim fjölbreyttu verkefnum sem EFLA vinnur að um allan heim.

Skoða vef

Inside the volcano

Nýr vefur með áherslu á einfalt bókunarferli fyrir eina staðinn í heiminum þar sem hægt er að síga niður í óvirkt eldjall. Ljósmyndir skipa stórt hlutverk og upplifunin í heimsókn í eldfjallið endurspeglast í hönnun vefsins sem gefur notendum sýn inn í þessa mögnuðu veröld.

Skoða vef

Félag íslenskra hjúkrunarfræðinga

Vefskipulag og upplýsingahögun lausnarinnar voru endurhugsuð frá grunni, með áherslu á gott aðgengi fyrir kjarnanotendur vefsins. Megináskorun verkefnisins var að halda vefnum stílhreinum og notendavænum, en geta einnig komið fyrir miklu magni upplýsinga. Hlýlegir litatónar og myndir af hjúkrunarfræðingum í fjölbreyttum störfum gefa vefnum bjartan og jákvæðan blæ.

Skoða verkefni
Hjúkrun

"Hugsmiðjan hjálpaði okkur mikið við að finna nálgunina á verkefnið; hvernig við getum nýtt tæknina og hvernig við getum haldið áfram að byggja ofan á það sem komið er. Við erum mjög ánægð hvernig tekist hefur til."

Ari Brynjólfsson KYNNINGARSTJÓRI FÍH

Ráðgjöf og greining

Greining í upphafi verkefnis tryggir dýpri skilning á viðfangsefnum og er lykillinn að árangri. Í gegnum samtal og vinnustofur með hagsmunaaðilum greinum við helstu áskoranir og væntingar. Með góðum grunni tryggjum við að verkefnið sé vel afmarkað og að markmið séu skýr.

Óli og Kári, stjórnendur tækniteymis okkar, leiða umræður um árangursrík hugbúnaðarverkefni og hver drifkrafturinn er þar að baki.

  • Elísabet, UX sérfræðingur, kortleggur vonir og væntingar

Við leggjum okkur fram við það að kynnast vel okkar viðskiptavinum, þeirra styrkleikum og áskorunum í upphafi verkefna – með því að hlusta og rýna í gögnin. Til þess að skapa virði þarf að setja markmið, fylgja þeim eftir og mæla árangur.

Elísabet Karlsdóttir UX sérfræðingur

Velkomin í hópinn Sigrún Dís, Jón Bjarni, Þorri, Geir, Kári og Kristján!

Fólkið okkar leggur grunninn að því virði sem við getum skapað fyrir okkar viðskiptavini. Við fengum öflugan liðstyrk í tækniteymið okkar á árinu þegar þau Sigrún Dís, Jón Bjarni, Þorri, Geir og Kári hófu hjá okkur störf. Að ógleymdum Kristjáni hönnuði sem kom aftur heim til okkar.

Jón Bjarni, forritari

  • Sigrún, forritari

  • Þorri

    Þorri, forritari

  • nýjir starfsmenn

    Kristján, hönnuður með Kára og Geir, forriturum

MyCar

Ný veflausn MyCar leggur áherslu á að notendum sé tryggður sá bíll sem þeir bóka. Bókunarvélin sjálf er aðalatriði vefsins og fylgir notendum í gegnum allt ferlið. Með tengingu við flotastýringar- og bókunarkerfi, sem skilar rauntímaupplýsingum um framboð, tryggjum við að rétti bíllinn sé í boði og hámörkum notendaupplifun. Vefurinn býður upp á vélrænar þýðingar á sjö mismunandi tungumálum til að ná til markhóps sem kemur frá öllum heimshornum! Öflug veflausn og frábært samstarf við MYCAR Rental in Iceland

Lesa um verkefnið

Efnisljósmyndun gæðir veflausnir lífi

Efnisljósmyndun er mikilvægur þáttur í efnisvinnu og setur faglegan endapunkt á viðmót nýs vefs. Hugsmiðjan sá um myndatöku fyrir hið nýja öfluga verkalýðsfélag Visku og fékk starfsfólk Borgarleikhússins í myndatöku.

Ljósmyndataka fyrir nýja veflausn Visku

  • Efnisljósmyndun fyrir Visku

  • Þorri

    Álfrún Helga Örnólfsdóttir, leikkona

  • nýjir starfsmenn

    Íris Tanja Flygenring, leikkona.

Vatnajökulsþjóðgarður

Á að ferðast um landið í ár? Við mælum með heimsókn í Vatnajökulsþjóðgarð.

Vatnajökulsþjóðgarður nær yfir allan Vatnajökul og stór svæði í nágrenni. Á nýjum vef fær stórbrotin náttúra að skína í gegn og hrífa notendur með sér.

Skoða vef

Við erum ótrúlega ánægð með allar þær lausnir sem komu frá Hugsmiðjunni og hlökkum til að þróa vefinn áfram með þeim og þjónusta þannig náttúru og fólk af metnaði og hugsjón.

Stefanía Ragnarsdóttir Fræðslufulltrúi

Hverfið mitt

Í framhaldi af vel heppnaðri kosningu í verkefninu „Hverfið mitt“ settum við í loftið glænýja framsetningu á innsendum hugmyndum og niðurstöðum kosninganna. Nýja útgáfa hverfidmitt.is er unnin í samstarfi við Reykjavíkurborg og nýtir hönnunarkerfi borgarinnar, Hönnu, með hönnunar- og virkniviðbótum unnum af Hugsmiðjunni. Vefurinn er hraðvirkur, notendavænn og sækir gögn úr Jira kerfi borgarinnar sem endurspeglar alltaf raunstöðu hugmyndanna.

Skoða vef

  • Við getum ekki leynt því að við erum virkilega spennt fyrir næstu hugmyndasöfnun sem mun fara fram í þessu nýja umhverfi. Þangað til geta allir fylgst með því hvernig framkvæmdum verkefnana miðar á www.hverfidmitt.is

Kraftur og gleði árið 2023

2023 var viðburðaríkt ár spennandi viðburða og nýrra upplifana. Við byrjuðum árið í Grósku – þar sem við fundum nýjar fallegar gönguleiðir í fuglafriðlandinu, sóttum viðburði og kynntumst fullt af frábæru fólki. Einn af hápunktum ársins var að mæta á Design Talks og taka þátt í kvennaverkfallinu. Við fengum líka að njóta upplestrar Dóra DNA á skáldsögu í vinnslu ásamt vínsmökkun heima hjá Margeiri. Sum okkar stunduðu klifur og FIFA af krafti.

Við fengum að fagna faglegum afrekum okkar á vefverðlaununum og veittum viðtöku verðlaunaskjali fyrir framúrskarandi fyrirtæki í rekstri. Við mættum í hátíðlega aðventuveislu á Hótel Holti. Á síðasta vinnudegi fyrir jólafrí fluttum við loks í nýtt glæsilegt húsnæði við Hafnarstræti.

Vefverðlaunin

Við fengum 16 tilnefningar fyrir 12 ólíkar veflausnir og uppskárum verðlaun fyrir fjórar stafrænar lausnir auk sérstakra aðgengisverðlauna sem við erum einstaklega þakklát fyrir.

Jiko Onboarding

Hugsmiðjan tók að sér hönnun og viðmótsforritun á nýju onboarding flæði fyrir bandaríska fyrirtækjabankann Jiko. Áhersla var lögð á að ferlið væri aðgengilegt, hnökralaust og skýrt.

Skoða vef

Félag lykilmanna

Félag lykilmanna er öðruvísi stéttarfélag sem leggur áherslu á öflugan sjúkrasjóð. Við settum í loftið nýja herferð; Bara það sem skiptir máli og framleiddum myndbönd og ljósmyndir í samstarfi við Árna&Kinski og Elínu Eddu.

Skoða vef

Truenorth Talent

Vefur Truenorth Talent byggir á hönnun meginvefs framleiðslufyrirtækisins. Markmið vefsins er halda utan um sérvalið safn leikara, leikstjóra, handritshöfunda, tónliskálda og ljósmyndara á vegum Truenorth.

Skoða vef

2024 komdu fagnandi

Þegar allt kemur til alls snýst þetta bara um... fólkið í kringum okkur. Við þökkum viðskiptavinum og samstarfsaðilum kærlega fyrir samstarfið og traustið á árinu – sjáumst í Hafnarstrætinu!