Átta tilnefningar til Íslensku vefverðlaunanna
Allskonar vefir tilnefndir til allskonar verðlauna.
Vefir úr smiðju Hugsmiðjunnar fengu átta tilnefningar til Íslensku vefverðlaunanna 2018, sem verða afhent á föstudaginn. Við erum að sjálfsögðu mjög stolt af þessu og hlökkum til að mæta á hátíðina.
Íslensku vefverðlaunin eru uppskeruhátíð vefiðnaðarins á Íslandi og fara fram á Hilton Hótel Nordica 22. febrúar. Sama dag standa Samtök vefiðnaðarins fyrir ráðstefnunni IceWeb 2019.
Förum aðeins yfir vefina okkar og samstarfsaðila okkar sem voru tilnefndir.
Vefur Orkusölunnar, sem við settum í loftið á dögunum, er tilnefndur í flokki meðalstórra fyrirtækja, Tónlistinn var tilnefndur í flokki efnis- og fréttaveita og vefur Miðstöðvar íslenskra bókmennta var tilnefndur í flokki lítilla fyrirtækja.
Vefir Bleiku slaufunnar og Umferðarvefurinn voru tilnefndir í flokknum samfélagsvefir og vefur Persónuverndar var tilnefndur í flokknum opinberir vefir.
Íslensku vefverðlaunin eru uppskeruhátíð vefiðnaðarins á Íslandi og fara fram á Hilton Hótel Nordica 22. febrúar
Loks fékk vefurinn okkar tvær tilnefningar: Annars vegar í flokknum markaðsvefir og hins vegar í flokknum fyrirtækjavefir.
Svona er ekki hægt án þess að vera með frábæra samstarfsaðila — við þökkum kærlega fyrir okkur. Sjáumst á föstudaginn!