Framúrskarandi þjónusta á nýjum vef
Askja er þjónustufyrirtæki sem sérhæfir sig í sölu og þjónustu á bílum frá Mercedes-Benz, Kia og Honda. Hugsmiðjan hannaði og forritaði nýjan og glæsilegan vef fyrir Öskju til að einfalda og bæta þjónustu við viðskiptavini. Á vefnum geta viðskiptavinir með einföldum hætti skoðað úrval bíla ásamt því að bóka tíma í reynsluakstur eða aðra þjónustu.
Markmið vefsins
1 Færa þjónustuna á vefinn
Nú geta viðskiptavinir með einföldum hætti nálgast mikilvægar upplýsingar og bókað tíma í þjónustu og reynsluakstur á vefnum. Vefurinn skilar bókunum beint inn í CRM kerfi Öskju sem auðveldar allt utanumhald.
2 Hnökralaus notendaupplifun
Það hefur aldrei verið mikilvægara en nú að geta boðið fólki upp samfellda þjónustu, hvort sem um ræðir á vef eða þjónustu í sýningarsal eða verkstæðum.
3 Skapa sterka stafræna ásýnd
Hluti af verkefinu var að fríska upp á stafræna ásýnd Öskju. Vefurinn er glæsilegur og fangar í senn gæði og tilfinningu um traust og faglegheit.
Mikilvægt að færa þjónustuna nær notendum
Að vinna með fyrirtækjum, eins og Öskju, sem hafa metnað fyrir því að veita sínum viðskiptavinum framúrskarandi þjónustu er virkilega spennandi. Vefurinn endurspeglar þau þjónustugæði sem viðskiptavinir Öskju fá þegar þeir mæta á staðinn.
Birna Bryndís Þorkelsdóttir
Hönnunarstjóri
Hvað getum við gert fyrir þig?
Markmiðið var að vera þjónustumiðuð í allri nálgun og mæta helstu þörfum viðskiptavina með einföldum hætti. Við hönnun vefsins var sérstaklega tekið tillit til þess og leitast við að grípa notendur og aðstoða þá við að finna lausn á sínum málum.
Á vefnum er til dæmis hægt að skoða úrval bíla og lesa sér til um eiginleika þeirra og enda svo heimsóknina á því að bóka sér tíma í reynsluakstur. Þannig getur notandinn undirbúið sig áður en hann mætir á staðinn og verið viss um að draumabíllinn sé laus til prufu.
Kraftmikið myndmál
Markaðsefni Öskju er kraftmikið og gefur tilfinningu fyrir gæðum, ferskleika og nýjungum. Bílarnir njóta sín vel í íslenskum aðstæðum, þar má finna fyrir sjó og svörtum sandi, snjó og klaka, mosa og hrauni og séríslensku sólarlagi.
