Litagleði og leikur að litum og formum
Borgarleikhúsið var endurmarkað á árinu af Brandenburg og var arkitektúr leikhússins notaður sem grunnur að nýrri ásýnd. Leikurinn að línum, mynstri og flötum heldur áfram á vefnum sem er framúrstefnulegur, áræðinn og líflegur – eins og Borgarleikhúsið sjálft.
Vefurinn er einstaklega vel útfærður með gott jafnvægi á milli skapandi upplifunar og skilvirkni í upplýsingagjöf og sölu á leikhúsmiðum.
Markaðsvefur ársins
Vefur Borgarleikshússins er kjölfesta og þungamiðja í allri markaðssetningu og upplýsingagjöf til markhópa leikhússins. Því er sérlega ánægjulegt að vefurinn var valinn markaðsvefur ársins á íslensku vefverðlaununum.
Á vefnum eru lendingarsíður fyrir allar markaðsherferðir til að veita notendum betri upplýsingar um sýningar, veitingar eða kaup á leikhúsmiðum. Kaupferlið er alltaf sýnilegt og einstaklega notendavænt og skilvirkt.
Skapandi leikur í hönnun
Borgarleikhúsið er hús fullt af lífi og því var léttleiki og leikur aðalstefið í viðmótinu – stórir hnappar, fljótandi örvaform, myndasafn hannað eins og salur, hnappar á hreyfingu og vörumerkið notað sem grunnur að öðrum formum.
Jóhanna Helga Þorkelsdóttir
Hönnunarstjóri
Viltu skyggnast bak við tjöldin?
Vefurinn er stútfullur af skemmtilegu efni; fróðleik um sýningar, myndböndum og viðtölum við listræna aðstandendur og leikara sem gefa skemmtilega innsýn í ferlið á bak við sýningarnar.
