Persónuvernd

2018

  • Hönnun og upplýsingahögun
  • Lógóhönnun
  • Vefun
  • Sérforritun

personuvernd.is


Ný lög kalla á nýjan vef með framúrskarandi miðlun upplýsinga

2018 var mikilvægt ár fyrir Persónuvernd. Með tilkomu nýrra persónuverndarlaga lá mikið við að veita almenningi framúrskarandi upplýsingaþjónustu. Markmið nýja vefsins var skýrt: Að miðla upplýsingum til almennings, fyrirtækja, stofnanna og fjölmiðla á sem aðgengilegastan og notendavænstan hátt.


Aðgengilegur upplýsingabrunnur

Lögð var áhersla á að þessi mikili upplýsingabrunnur sem Persónuvernd býr yfir væri aðgengilegur. „Spurt og svarað“ spjöldin eru sérvalin fyrir mismunandi markhópa; einstaklinga, fyrirtæki og stofnanir. Kerfið býður upp á að leita eftir einföldum leiðum þannig að allir finni svör við spurningum sínum hratt. Efni Persónuverndar er oft á tíðum flókið en leit að upplýsingum ætti að vera bæði ánægjuleg og þægileg upplifun.

  • Persónuvernd síðan

Merki Persónuverndar fær andlitslyftingu

Merki Persónuverndar var barns síns tíma en grunnhugmyndin stendur enn fyrir sínu. Við endurteiknuðum merkið og færðum það inn í nútímann. Í stað persónu í eintölu var sú eining margfölduð og getur nú táknað bæði einstaklinga en einnig stafræn gögn eða jafnvel fingrafar. Blái skjöldurinn er ennþá til staðar, til marks um hlutverk Persónuverndar.

  • Persónuvernd logokort

Auðvelt aðgengi að þínum upplýsingum

Mikilvægar upplýsingar um einkalíf einstaklinga og ábyrga meðferð persónuupplýsinga fyrir fyrirtæki og stofnanir eru nú aðgengilegar hvar og hvenær sem er.

  • Persónuvernd í síma

Gus Gus

Þegar Gus Gus breytti Eldborg í næturklúbb

GusGus hélt tvenna tónleika í Eldborgarsal Hörpu í nóvember á síðasta ári. Uppselt var á báða tónleikana sem þóttu mjög vel heppnaðir. Hugsmiðjan sá um heildarskipulagningu ásamt því að sinna hugmyndavinnu, hönnun, efnisframleiðslu og markaðssetningu. Loks voru tónleikarnir teknir upp fyrir Sjónvarp Símans.

Í markaðssetningunni á tónleikunum notuðum við stafræna miðla til að fullvissa okkur um að við þyrftum ekki á auglýsingum í hefðbundnum miðlum að halda. Þannig var kostnaði haldið í lágmarki, án þess að það bitnaði á árangrinum.

Forsala á tónleikana var notuð til að skoða viðbrögð fólks áður en almenn miðasala hófst. Krafturinn í auglýsingakerfinu á Facebook var svo nýttur til að koma auglýsingum til afmarkaðs hóps og hélt það kostnaði í lágmarki. Fólk sem hafði sýnt einhvers konar áhuga á tónleikunum sá auglýsingarnar — þetta voru harðir aðdáendur, fólk sem hafði horft á myndbönd tengd tónleikunum eða fólk sem hafði hreinlega sagst ætla að mæta.

Þetta skilaði sér í tveimur uppseldum tónleikum.

Strætó

Markaðsherferð Strætó fyrir ferðamenn á Íslandi

  • Viðskiptavinur Strætó

Með fjölgun erlendra ferðamanna hafa skapast spennandi tækifæri fyrir Strætó til að benda á þennan hagkvæma ferðakost. Strætó hefur undanfarin ár tekið eftir auknum straumi ferðamanna í vagnana sína ásamt því að rannsóknir okkar sýndu fram á mikinn fjölda daglegra leita á Google sem tengjast þjónustu Strætó. Við töldum því vera mikið tækifæri í að kynna Strætóappið fyrir ferðamönnum.

Himneskt

Innblástur í átt að grænum og umhverfisvænum lífsstíl

  • Heiti verkefnis Himneskt

Mæðgurnar Solla Eiríks og Hildur eru landsmönnum löngu kunnar fyrir tilraunagleði í eldhúsinu. Ástríða þeirra fyrir matargerð, lífrænni matjurtarækt og listum hefur fundið sér farveg á þessum fallega vef.