Þægilegt viðmót
Útlit og viðmót vefsins er ákaflega stílhreint og fallegt til að auðvelda notendum að finna eða framkvæma markmið sín með heimsókn á vefinn.
Átaksverkefni skila árangri
Bleika slaufan, árveknis- og fjáröflunarátak um brjóstakrabbamein og Mottumars, átak gegn krabbameini hjá karlmönnum eru árleg átaksverkefni hjá krabbameinsfélaginu.
Samfélagsmiðlar eiga stóran þátt í að átakið nái útbreiðslu og fangi athygli eins breiðs hóps og mögulegt er. Á vef Bleiku slaufunnar og Mottumars er “call to action” skilaboð alltaf sýnileg sem hvetja til deilingar. Mælingar á árangri þessara átaksverkefna sýna að þau ná athygli og hafa áhrif.
Verslað til styrktar góðu málefni
Vefverslun Krabbameinsfélagsins er ein af mikilvægustu styrktarlínum félagsins. Verslunin er sett upp í verslunarkerfi Shopify sem hentaði verkefninu einstaklega vel, þar sem hægt er að velja þemu og stíla svo til í takt við hönnun vefsins. Gott vöruúrval í sambland við notendavænt viðmót verslunarinnar, skilaði 46% söluaukningu fyrsta árið eftir útgáfu. Margir vilja leggja félaginu lið og er vefverslun virkilega góð leið til þess.
Stuðningur og framlög
Krabbameinsfélagið reiðir sig af stórum hluta á fjárframlög einstaklinga því var sérstaklega mikilvægt að auðvelt væri að styrkja félagið í gegnum vefinn. Möguleikarnir til að styrkja félagið eru fjölbreyttir, t.d frjáls framlög, reglubundinn stuðningur eða að versla vörur í netverslun félagsins. Allar styrktarleiðir voru gerðar ákaflega skýrar og notendavænar. Auk þess var bakendakerfi styrktarlínu félagsins endurskrifað til að auðvelda starfsfólki alla umsýslu og yfirsýn yfir kaup og styrki.
Krabbameinsfélagið er samfélagslega mikilvæg stofnun
Vefurinn gegnir mikilvægu hlutverki varðandi fræðslu, forvarnir og ráðgjöf. Efnið er framsett með það að leiðarljósi að auðvelt sé að kynna sér og leita sér upplýsinga um allt sem viðkemur krabbameini, hvort sem lesandinn hafi sjálfur greinst með krabbamein eða sé aðstandandi.
Hugsmiðjan er stoltur samstarfsaðili Krabbameinsfélagsins.
Viðskiptavinur
Krabbameinsfélagið
Verkþættir Hugsmiðjunnar
Hugmyndavinna
Hönnun
Vefforritun
Markaðsráðgjöf