Það sem þú sérð er það sem þú færð

22.01.2019

Hvernig fær maður fólk til að sækja app sem maður notar ekki daglega? Ein leið er að sýna hvernig það virkar.

Tryggingamistöðin vildi fjölga notendum TM appsins ásamt því að auka notkunina hjá viðskiptavinum sem þegar hafa sótt appið. TM leitaði því til Hugsmiðjunnar sem lagði til snarpa herferð á Facebook í nóvember árið 2018.

Í appinu er meðal annars hægt að skoða yfirlit yfir tryggingar og iðgjöld, tilkynna tjón og fá greiddar bætur. Þá eru tjónaupplýsingar og tryggingaskirteini aðgengileg. Loks má skoða staðfestingu á ferðatryggingum og fá beint samband við neyðarþjónustu komi til alvarlegra slysa á ferðalögum erlendis.

Semsagt: Einföld og góð þjónusta.

Svo skemmtilega vildi til að ég hafði nýlega notað appið til að tilkynna tjón. Ekki einu sinni, heldur tvisvar (eftir flekklausan feril sem tryggingakaupandi). Ég þekkti því þjónustuna vel og lagði til að framleiða stutt myndband sem átti að sýna, nánast í rauntíma, hversu einfalt og þægilegt er að tilkynna tjón í appinu.

Við framleiddum því einfalt myndband sem sýnir appið í notkun. Engar tæknibrellur, ekkert fegrað. Bara notandi að tilkynna tjón á fartölvu. Það sem þú sérð er það sem þú færð. Horfðu á myndbandið hér fyrir neðan.

Samtalið í myndbandinu er byggt á sannsögulegum atburðum sem gefur því magnþrunginn blæ. Ég segi svona.

Við dreifðum myndbandinu á Facebook og markmiðið var að ná sem mestri útbreiðslu. Við reyndum að höfða sérstaklega til þeirra sem eru þegar í viðskiptum við TM, þar sem þau eru líklegust til að sækja appið strax en við vildum líka ná til viðskiptavina annarra tryggingafélaga.

Svo skemmtilega vildi til að ég hafði nýlega notað appið til að tilkynna tjón. Ekki einu sinni, heldur tvisvar (eftir flekklausan feril sem tryggingakaupandi).

Niðurstaðan var sú að myndbandið fór í mikla dreifingu. Nóvember var næst besti mánuðurinn á árinu í appinu, þ.e. fjöldi nýskráðra og svo tjónstilkynningar. Í heildina fjölgaði notendum appsins um 15 prósent.

Getum við hjálpað þér og fyrirtækinu þínu? Hafðu samband og bókaðu með okkur fund.

 


Borgarleikhúsið

Vefur sem sýnir allt það besta sem Borgarleikhúsið hefur upp á að bjóða

Markmið okkar var að skapa vef sem leyfði Borgarleikhúsinu að sýna allt það besta sem það hefur upp á að bjóða. Glæsilegt myndefni er í forgrunni. Gestir ættu að fá innblástur, vera skemmt, læra eitthvað nýtt og auðvitað helst af öllu finna brennandi löngun til að skella sér í leikhúsið!

Krabbameinsfélagið

Samfélagsvefur ársins 2017

  • Viðskiptavinur Krabbameinsfélagið

Kjarnastarfsemi Krabbameinsfélagsins er fræðsla, forvarnir og stuðningur við einstaklinga sem greinast. Auk þess að fá almenning til að styrkja félagið. Lagt var upp með að vefurinn yrði einstaklega notendavænn og auðveldur í notkun. 

 

Karlaklefinn

Í karlaklefum landsins er spjallað um allt mögulegt – við settum upp einn til viðbótar

Karlaklefinn er vefur fyrir karlmenn um heilsu, forvarnir og auðvitað krabbamein: Skrifaður fyrir karlmenn og aðstandendur þeirra, lausnamiðaður og vísar óhikað á aðra vefi varðandi ítarupplýsingar.

Hugmyndin að baki Karlaklefanum var mótuð í samvinnu Hugsmiðjunnar og Krabbameinsfélagsins. Hann er hugsaður sem millistig milli átaksverkefnisins Mottumars annars vegar og stóra bróður, vefs Krabbameinsfélagsins, hins vegar.